சிகப்பு ரோஜாக்கள்..50 ஆண்டுகள் கடந்தும் குறையாத திகில்..கமலின் ‘திலீப்’ ஏன் இன்றும் மிரட்டுகிறது?

சிகப்பு ரோஜாக்கள்..50 ஆண்டுகள் கடந்தும் குறையாத திகில்..கமலின் ‘திலீப்’ ஏன் இன்றும் மிரட்டுகிறது?

கமல்ஹாசன்–ஸ்ரீதேவி நடிப்பில் பாரதிராஜாவின் இயக்கத்தில் வெளியான ‘சிகப்பு ரோஜாக்கள்’ உருவான விதம், இளையராஜாவின் இசை, சிம்பாலிக் காட்சிகள் என மறக்க முடியாத திரை அனுபவத்தை அலசுகிறது இந்தப் பதிவு.

கொஞ்சம் பேச்சு... கொஞ்சம் சினிமா! - வி.ராம்ஜி

சைக்கோ த்ரில்லர் படங்கள், இன்றைக்கு வருடத்துக்கு ஆறேழு என வரிசைகட்டி வந்துகொண்டே இருக்கின்றன. அதற்குச் சொல்லுகிற காரணங்களும் ஏதேதோ சொல்லப்படுகின்றன. இப்படியாக, அடுத்தடுத்து நடக்கிற கொலைகளை யார் செய்கிறார்கள் என்பதைத் தேடும் இன்வெஸ்டிகேஷன் படங்கள், மலையாளத்தில் மிக மிக நேர்த்தியாகக் கட்டமைக்கப்படுகின்றன. அதனால்தானோ என்னவோ ஓடிடி தளங்களில், மலையாளப் படங்களைத் தேடித்தேடிப் பார்ப்பதற்கான ரசிகர்கள் அதிகரித்துக் கொண்டே இருக்கிறார்கள்.