வைபவ் சூர்யவன்ஷி விரல் தவறி அபிஷேக்கின் 'காதலி' வீடியோவை பகிர்ந்து இருப்பாரோ? ரசிகர்கள் குறும்பு

வைபவ் சூர்யவன்ஷி விரல் தவறி அபிஷேக்கின் 'காதலி' வீடியோவை பகிர்ந்து இருப்பாரோ? ரசிகர்கள் குறும்பு

மும்பை: இந்திய கிரிக்கெட் அணியின் இளம் வீரர் வைபவ் சூர்யவன்ஷி, சமூக வலைதளத்தில் செய்த ஒரு சிறிய தவறு தற்போது கிரிக்கெட் ரசிகர்களிடையே குறும்புத்தனமான விவாதங்களை கிளப்பியுள்ளது. இந்திய அணியின் அதிரடி துவக்க வீரரான அபிஷேக் சர்மாவின் காதலி என சொல்லப்படும் லைலா பைசலின் இன்ஸ்டாகிராம் ரீல் வீடியோ ஒன்றை வைபவ் சூர்யவன்ஷி தனது இன்ஸ்டாகிராம் பக்கத்தில் பகிர்ந்துள்ளார்.

இதைப் பார்த்த நெட்டிசன்கள், "தம்பி சூர்யவன்ஷி அவசரத்தில் விரல் தவறி இந்த வீடியோவை பகிர்ந்திருக்கலாம்" என்று ஜாலியாக கமெண்ட் செய்து வருகின்றனர். 15 வயது சிறுவனான வைபவ் சூர்யவன்ஷி தெரியாமல் செய்த இந்த தவறு குறித்து அவரது தரப்பிலிருந்தோ அல்லது லைலா தரப்பிலிருந்தோ எந்த அதிகாரப்பூர்வ விளக்கமும் அளிக்கப்படவில்லை.

தற்போது இங்கிலாந்து சுற்றுப்பயணத்தில் இருக்கும் வைபவ் சூர்யவன்ஷி, அபிஷேக் சர்மா உள்ளிட்ட சக வீரர்களுடன் பழகி வருகிறார். அந்த அடிப்படையில் அபிஷேக் சர்மாவின் தோழியான லைலாவின் வீடியோ அவர் பார்த்து இருக்கலாம் என சில நெட்டிசன்கள் திரைக்கதை எழுதி இதை பகிர்ந்து வருகிறார்கள்.

அபிஷேக் சர்மாவின் காதலி என்று வதந்தியாக பேசப்படும் லைலா பைசல், லண்டன் கிங்ஸ் கல்லூரியில் உளவியல் படித்தவர். பின்னர் லண்டன் கலை பல்கலைக்கழகத்தில் ஃபேஷன் டிசைனிங் படித்துவிட்டு, தற்போது 'எல்ஆர்எஃப் டிசைன்ஸ்' என்ற ஆடம்பர ஆடை பிராண்டை நடத்தி வரும் இளம் தொழில்முனைவோர் ஆவார். இவருக்கும் அபிஷேக்கிற்கும் இடையே உள்ள காதல் குறித்து அதிகாரப்பூர்வ தகவல் ஏதும் இல்லை என்றாலும், ரசிகர்கள் இவர்களை தொடர்ந்து சமூக வலைதளங்களில் இணைத்துப் பேசி வருகின்றனர்.

தற்போது இந்திய அணி இங்கிலாந்தில் 5 போட்டிகள் கொண்ட டி20 தொடரில் விளையாடி வருகிறது. முதல் போட்டி மழையால் கைவிடப்பட்ட நிலையில், 2-வது போட்டி ஜூலை 4 அன்று மான்செஸ்டரில் நடைபெறவுள்ளது.

அயர்லாந்து மற்றும் இங்கிலாந்துக்கு எதிரான போட்டிகளில் அரைசதங்கள் அடித்து அபிஷேக் சர்மா நல்ல ஃபார்மில் உள்ளார். அதேசமயம், வைபவ் சூர்யவன்ஷிக்கு இந்த ஆட்டத்தில் அறிமுக வாய்ப்பு கிடைக்குமா என்ற எதிர்பார்ப்பு ரசிகர்களிடையே அதிகரித்துள்ளது.