சிங்கப்பூர் இரவு பந்தயம்: தகுதிச் சுற்றில் வெர்ஸ்டாப்பன் முதலிடம்

சிங்கப்பூர் இரவு பந்தயம் உச்சக் கட்டத்தை எட்டியுள்ளது. சனிக்கிழமை (அக்டோபர் 10) இரவு நடந்த தகுதிச் சுற்றில் ரெட் புல் அணியின் மேக்ஸ் வெர்ஸ்டாப்பன் முதலிடத்தில் முடித்தார்.

அவர் பந்தயத் திடலின் ஒரு சுற்றை முடிக்க எடுத்துக்கொண்ட நேரம் 1:31.373.

இரண்டாம் இடத்தில் ஃபெராரி அணியின் சார்ல்ஸ் லெக்லர்க் வந்தார். லூயிஸ் ஹேமில்டன் மூன்றாவது இடத்தைப் பிடித்தார்.

தகுதிச் சுற்றில் முதலிடம் பிடித்ததால் பந்தயத்தை வெர்ஸ்டாப்பன் முதலிடத்திலிருந்து தொடங்குவார்.

இதுவரை சிங்கப்பூரில் வெர்ஸ்டாப்பன் வென்றதில்லை. இப்போது அவருக்குச் சிறந்த வாய்ப்பு கிடைத்துள்ளது.

தகுதிச்சுற்றுக்கு முன்னர் மாலை குறும்பந்தயம் நடந்தது. அதிலும் வெர்ஸ்டாப்பன் வெற்றிபெற்றார்.

லூயிஸ் ஹேமில்டன் இரண்டாவது இடத்தில் முடித்தார். சார்ல்ஸ் லெக்லர்க் மூன்றாவது இடத்தில் வந்தார்.