IPL 2027: மும்பை இந்தியன்ஸ் பயிற்சியாளராக சிஎஸ்கே கோட்ச்.. கடும் போட்டியில் 5 பேர்?

IPL 2027: மும்பை இந்தியன்ஸ் பயிற்சியாளராக சிஎஸ்கே கோட்ச்.. கடும் போட்டியில் 5 பேர்?

மும்பை: ஐபிஎல் 2026 தொடரில் மும்பை இந்தியன்ஸ் அணி 9-வது இடத்தைப் பிடித்து வெளியேறியதைத் தொடர்ந்து, அணியின் தலைமைப் பயிற்றுநராக இருந்த இலங்கை முன்னாள் வீரர் மகேலா ஜெயவர்த்தனே அப்பொறுப்பிலிருந்து விலகியுள்ளார். இதனைத் தொடர்ந்து, 2027 ஐபிஎல் சீசனுக்கு புதிய தலைமைப் பயிற்சியாளரை தேர்வு செய்ய ஐந்து முன்னாள் கிரிக்கெட் வீரர்களிடம் நேர்காணல் நடத்த மும்பை இந்தியன்ஸ் நிர்வாகம் திட்டமிட்டுள்ளதாகத் தகவல்கள் தெரிவிக்கின்றன.

இந்தப் பட்டியலில் ஆஸ்திரேலியாவின் மைக்கேல் ஹஸ்ஸி மற்றும் ஆரோன் ஃபின்ச், தென்னாப்பிரிக்காவின் ஏட்ரியன் பிரெல் மற்றும் மார்க் பவுச்சர், இங்கிலாந்தின் இயான் மோர்கன் ஆகிய ஐந்து முன்னாள் வீரர்கள் இடம்பெற்றுள்ளனர்.

கடந்த ஒன்பது ஆண்டுகளாக மும்பை அணியின் முக்கிய எதிரணியான சென்னை சூப்பர் கிங்ஸ் அணியின் பேட்டிங் கோட்சாக செயல்பட்ட மைக்கேல் ஹஸ்ஸி, சமீபத்தில் ஜாகீர் கான் சிஎஸ்கே தலைமை பயிற்சியாளராக விடுவிக்கப்பட்டார். ஆஸ்திரேலியாவுக்கு டி20 உலகக்கோப்பையை வென்று தந்த முன்னாள் கேப்டன் ஆரோன் ஃபின்ச், ஒன்பது ஐபிஎல் அணிகளுக்காக விளையாடிய அனுபவம் கொண்டவர் என்றாலும், அவருக்கு முறையான பயிற்சியாளர் அனுபவம் இல்லை.

இங்கிலாந்தின் முன்னாள் கேப்டன் இயான் மோர்கன் கொல்கத்தா நைட் ரைடர்ஸ் அணியை சிறப்பாக வழிநடத்தியவர். இவருக்கும் பயிற்சியாளர் அனுபவம் குறைவு என்றாலும், நவீன கிரிக்கெட் அணுகுமுறையைக் கொண்டுவரக் கூடியவர். தென்னாப்பிரிக்காவின் ஏட்ரியன் பிரெல், எஸ்ஏ20 தொடரில் சன்ரைசர்ஸ் ஈஸ்டர்ன் கேப் அணிக்காக மூன்று பட்டங்களை வென்று கொடுத்து, உலகம் முழுவதும் பல்வேறு அணிகளுக்குப் பயிற்சி அளித்த அனுபவம் வாய்ந்தவர் ஆவார்.

கடந்த 2023 மற்றும் 2024 ஆம் ஆண்டுகளில் மும்பை அணியின் தலைமைப் பயிற்சியாளராக பணியாற்றிய மார்க் பவுச்சரும் இந்தப் பட்டியலில் இடம்பெற்றுள்ளார். 2024-இல் மும்பை அணி 10-வது இடத்தைப் பிடித்ததால் அவர் நீக்கப்பட்டு, ஜெயவர்த்தனே மீண்டும் நியமிக்கப்பட்டார். 2017 முதல் 2022 வரையிலான தனது முதல் சுற்றில் மும்பை அணிக்கு மூன்று ஐபிஎல் பட்டங்களை வென்று தந்த ஜெயவர்த்தனேவின் இடத்தை நிரப்புவது புதிய கோட்சாக பெரும் சவாலாக இருக்கும்.