CSK: ஜாகீர் கானை சிஎஸ்கே தலைமை பயிற்சியாளராக சேர்த்ததற்கு 3 காரணங்கள் என்ன?
CSK: ஜாகீர் கானை சிஎஸ்கே தலைமை பயிற்சியாளராக சேர்த்ததற்கு 3 காரணங்கள் என்ன?
சென்னை: சிஎஸ்கே அணியின் பயிற்சியாளராக எயன் மார்கன், ஹேமங் பதானி அல்லது மைக்கேல் ஹசி ஆகியோரின் பெயர்கள் ஆலோசிக்கப்படுவதாக செய்திகள் வெளியான நிலையில், யாருமே எதிர்பார்க்காத நிலையில் ஜாகீர் கான் புதியதாக நியமிக்கப்பட்டுள்ளார். இந்தியாவின் புகழ்பெற்ற கிரிக்கெட் வீரர்களில் ஒருவரான ஜாகீர் கானை தங்களது புதிய தலைமைப் பயிற்சியாளராக நியமிக்கப்பட்டதற்கு பின்னால் உள்ள காரணம் குறித்து தற்போது பார்க்கலாம்.
தொடர்ந்து மூன்று முறை பிளே-ஆஃப் சுற்றுக்கு தகுதி பெறத் தவறிய சிஎஸ்கே அணிக்கு இந்த மாற்றம் மிகவும் அவசியமான ஒன்றாகும். இந்த சூழலில் சிஎஸ்கேவின் இந்த முடிவு ஏன் சரியனது என்பதை தற்போது பார்க்கலாம்.
தோனியின் எதிர்காலம் குறித்து உறுதியற்ற நிலை நிலவும் வேளையில் இளம் வீரர்களை சரியாக வழிநடத்தவம், அனுபவமும் கொண்ட ஒருவரை நியமிக்க வேண்டிய கட்டாயத்தில் சிஎஸ்கே இருந்தது. ஜாகீர் கானுக்கு தலைமைப் பயிற்சியாளராக நேரடி அனுபவம் இல்லை என்றாலும், அவர் மும்பை இந்தியன்ஸ் அணியின் உலகளாவிய கிரிக்கெட் தலைவராகவும், லக்னோ சூப்பர் ஜெயண்ட்ஸ் அணியின் ஆலோசகராகவும் பணியாற்றிய அனுபவம் கொண்டவர்.
பிளெமிங்கின் இறுதி ஆண்டுகளில், அவர் டி20 வடிவத்திற்கு ஏற்ப தன்னை மாற்றிக் கொள்ளவில்லை என்றும், அவரது யோசனைகள் இன்னும் 2009-ஆம் ஆண்டின் பாணியிலேயே இருப்பதாகவும் விமர்சனங்கள் எழுந்தன. அதற்கு நேர்மாறாக, ஜாகீர் கான் மிகவும் நவீன கால பயிற்சியாளராகச் செயல்படும் திறன் கொண்டவர். பிளெமிங்கை விட ஏழு ஆண்டுகளுக்குப் பிறகு ஓய்வு பெற்ற ஜாகீர் கான், அவரை விட அதிக ஐபிஎல் போட்டிகளில் விளையாடியுள்ளார்.
பிளெமிங்கை போலவே ஜாகீர் கானும் மிகவும் அமைதியான மற்றும் நிதானமான ஒரு நபராகவே சிஎஸ்கேவால் பார்க்கப்படுகிறார். மேலும் பல வேகப்பந்துவீச்சாளர்களை வழிநடத்தி, அவர்களின் பந்துவீச்சை மேம்படுத்தி இருக்கிறார். இதற்கு கலீல் அகமது, ஆவேஷ் கான் போன்ற வீரர்கள் சிறந்த உதாரணம்.
ஜாகீர் கானின் வருகை இளம் பந்துவீச்சாளர்களுக்கு ஒரு சிறந்த வழிகாட்டியாக அமையும். இளம் வீரர்களை மேம்படுத்துவதில் அவருக்கு நீண்ட அனுபவம் உள்ளது. சிஎஸ்கே தற்போது ஒரு இளம் அணியை உருவாக்கி வருவதால், இது அவர்களுக்கு பெரிதும் உதவும். இதன் மூலம், பிளெமிங் வழங்கி வந்த அரவணைப்பான வழிகாட்டுதலை ஈடு செய்ய சிஎஸ்கே வேறு யாரையும் தேட வேண்டிய அவசியம் இருக்காது.
ஐபிஎல் தொடரில் பவுலர்கள் தடுமாறும் நிலையில், ஒரு பவுலர் பயிற்சியாளராக இருந்தால் அணி எப்படி இருக்கும் என்பதற்கு வாழும் உதாரணமாக குஜராத் அணியின் பயிற்சியாளர் நெஹ்ரா இருக்கிறார். அவருடன் இணைந்து விளையாடியவர் என்பதால் ஜாகீர் கான் மீதும் அந்த நம்பிக்கை சிஎஸ்கேவிடம் இருக்கிறது.
சிஎஸ்கே அணியில் இன்னும் தோனியே முதன்மையான முடிவுகளை எடுப்பவராக இருக்கிறார். கடந்த ஆண்டு அவர் ஒரு போட்டியில் கூட விளையாடவில்லை என்றாலும், அவருடைய முடிவுகளுக்கே அதிக முக்கியத்துவம் அளிக்கப்பட்டது. ம், தோனியின் உத்தி சார்ந்த முடிவுகளே சிஎஸ்கேவை வழிநடத்தின. இந்த சூழலில் தோனியின் நீண்ட கால நண்பரான ஜாகீர் கான், அவருடன் சிறந்த உறவை பேணி, அணியை மீண்டும் வலுப்பெறு வைக்க முயற்சி செய்வார்.